Бэрт- Ууһун нэһилиэгэр күүстээх аҥардарга бырааһынньыктааҕы тэрээһин буолан ааста.

Бэрт- Ууһун нэһилиэгин күүстээх аҥардарыгар, эр хоһууннарбытыгар Аҕа Дойдуну көмүскээччилэр күннэринэн эҕэрдэлээн бырааһынньыктааҕы тэрээһин олунньу 2️⃣3️⃣ күнүгэр буолла.
Бастатан туран фойеҕа турбут быыстапкаттан саҕаланна. Быыстапка локальнай сэрии ветераннарыгар, СВО кыттыылаахтарыгар ананна. Быыстапканы туруорда олохтоох библиотекарь сэбиэдиссэйэ Парникова Пелагея Егоровна.
Нэһилиэкпит күүстээх аҥардарыгар истиҥ эҕэрдэлэр этилиннилэр, ылбаҕай ырыалар ылланнылар, көрдөөх оонньуулар буоллулар.
Сцена быыһа аһыллыытыгар Бэрт- Ууһун нэһилиэгин Далбар Хотуттара, кэрэ аҥардара хор ырыанан ньиргиттилэр, » Соргу-Дугуй» ансаамбыл сахалыы норуот ырыатынан дьүрүһүттүлэр, » Дойдууна» үҥкүү ансаамбыла үҥкүүлээн тэйдилэр, И. С. Портнягин аатынан Сыырдаах орто оскуолатын кэрэ аҥардара ылбаҕай ырыаларынан бэлэх ууннулар.
Көрдөөх оонньууга: Мээчиги таба быраҕыы, Таҥас таҥныы, Перловка хааһы сиэһин уо. д. а. курдук күлүүлээх, бэрт сэргэх оонньуулар көхтөөхтүк буоллулар.
Лучший атрибут армейской жизни» номинацияны ылла Копырин Анатолий Михайлович, «Лучший альбом» күрэххэ Стручков Валерий Дмитриевич, Андросов Василий Николаевич, Местников Степан Васильевич, «За армейский блокнот» Копырин Михаил Михайлович, «Армейский флаг» номинацияны Бурцев Николай Валентинович ыллылар уонна бары грамотанан өйдөбүнньүк бирииһинэн наҕараадаланнылар.👍🏻✊🏻
Ол кэннэ нэһилиэк кэрэ аҥардар күүстэринэн оҥоһуллубут 3 түһүмэхтээх
сүүйүүлээх оонньуулар оонньоннулар. Түһүмэх аайы 5000 солкуобайынан супер приз оонньонно👍🏻👍🏻Сүрүн бирииһи сүүйдүлэр: Максим Максимович Портнягин, Валерий Николаевич Ефимов, Степан Степанович Местников ылан үөрүү өрөгөйүн биллилэр.👏🏻👏🏻👍🏻
Бүтэһигэр кэрэ аҥардаттан толору минньигэс астаах фуршет буолла. Нэһилиэк баһылыга Ильин Илья Прокопьевич нэһилиэк эр дьонун бырааһынньыгынан эҕэрдэлээтэ, итии- истиҥ тылларын анаата уонна бу күн төрөөбүт күннээх Олесов Валерий Петровиһы эҕэрдэлээн туран бэлэх туттарда, бу тэрээһини тэрийсибит кэрэ аҥардарга Махталын тиэртэ. Ол кэннэ урукку, билиҥҥи кэмҥэ армия сылдьыбыт уолаттар ханна, хайдах сылдьыбыттарын ахтан санаан аастылар.
Бырааһынньыкка кэлбит күүстээх аҥардар бары илии тутуурдаах, призтаах, тото- хана аһаан, кэпсэтэн, астынан, үҥкүүлээн, үөрэн- көтөн тарҕастылар.
Бу бырааһынньыктааҕы тэрээһиммитигэр күүс- көмө буолбут дьоммутугар, Бэрт- Ууһун кэрэ аҥардарыгар, тэрээһини иилээн- саҕалаан ыыппыт Анна Неустроеваҕа, тэрийсибит дьоммутугар Лидия Гаврильевна Лебедеваҕа, Пелагея Егоровна Парниковаҕа, Варвара Михайловна Ивановаҕа, Валентина Анатольевна Бурцеваҕа, минньигэс тортаах Любовь Бояроваҕа уонна бары кыттыспыт, күүс- көмө буолбут Далбар Хотуттарбытыгар, кыргыттарбытыгыр Барҕа Махтал буолуохтун,🙌🏻✊🏻🤗инникитин да бары маннык түмсүүлээх, биир сомоҕо буолуоҕун!

А. П. Иванов аатынан норуот айымньытын киинин коллектива.