Бүгүн Бэрт-Ууһун нэһилиэгэр тыа хаһаайыстыбатын күнүн, суоппардар уонна механизатордар күннэрин тэрээһинэ буолан ааста.

🌾🚙🚜🌾🚌 Бэрт-Ууһун нэһилиэгэр Россияҕа тыа хаһаайыстыбатын күнүгэр уонна бэйэ аһын оӈорон таһаарааччыларга, тимир көлөҕө үлэлээбит, үлэлии сылдьар суоппардарбытыгар, механизатордарбытыгар аналлаах бырааһынньыктааҕы тэрээһин буолла.
Бастатан туран «Күһүӈӈү киһи күлбүтүнэн» дьаарбаӈкаҕа үүт -ас, оҕуруот аһыттан кэнсиэрбэлэр, бурдук аһа, таӈас-сап арааһын аҕалан атыы-тутуу өлгөмнүк, хамаҕатык баран дьон сүргэлэрэ көтөҕүлүннэ, кыһыӈӈы хаһаастарын хаһааннылар, Сахабыт сиригэр тыйыс-тымныы кыһыны сылаастык сылдьарга сөптөөх үтүлүк, кээнчэ, бэйэ тигиитэ, атыыланнылар.🍰🎂🍢🍗🥚🍅🍒🥛🍱🍇👗👕
Ол кэннэ суоппардарга, механизатордарга, тыа хаһаайыстыбатын күнүнэн эйэҕэс эҕэрдэлэр этилиннилэр. Бэрт-Ууһун нэһилиэгин солбуйар баһылыга Явловскай В. Дм. тыа хаһаайыстыбатыгар үлэлээбит, үлэлии сылдьар аҕам саастаахтары, суоппардары, механизатордары истиӈ- иһирэх тылынан эҕэрдэлээн алгыс тылын анаата, Эҕэрдэ сурук туттарда. Үөрүүлээх тэрээһиӈӈэ ылбаҕай ырыалар ылланнылар, көрдөөх оонньуулары көҕүлүттэн туттулар. Ол курдук «Сыыдам сырыылаах массыына» массыыналар күрэхтэрэ, «Шиномонтаж» көлүөһэ үрдэриитэ, «Үрүӈ илгэни үрүйэлии сүүрдүү» сэппэрээтэр ыһыы, хомуйуу, «Түргэн-тарҕан туттуу» гайка, буолта эрийии, «Корнхол» курдук эрийсиилээх күрэхтэр бэрт сэргэхтик, бэһиэлэйдик буолан аастылар. Олус бэһиэлэй, тыӈааһыннаах күрэххэ
l миэстэни «СССР» хамаанда: Черноградскай И. И., Заболоцкай С. М., Ширяева М. М., ll миэстэ «Саһарҕа» хамаанда Колодезников П. П., Ховров В. Н., Колодезникова А. А., lll бириистээх миэстэҕэ Портнягин М. М., Ефимов В. Н., Пегова Р. Е. ыллылар, lV миэстэни «Дьулуур» хамаанда Данилов И. П., Петров Н. В., Местникова А. А., V миэстэ «Сылгыһыттар» хамаанда Местников В. В., Ширяев Н. Н., Доргуева Е. П.
Корнхол күрэххэ, биирдиилээн күөн күрэх бэрт интириэһинэй киирсии кэнниттэн дьахталларга l миэстэни Ширяева М. М, ll миэстэни Олесова Г. Е., lll миэстэни Пегова Р. Е. ылары ситистилэр, эр дьоӈӈо l миэстэни Портнягин М. М., ll миэстэни Ховров В. Н., lll миэстэни Заболоцкай С. М. ыллылар. Кыайыылаахтар мэтээллэринэн уонна Туоһу суруктарынан наҕараадаланнылар. Бары кэлбит дьон үөрэн-көтөн, дуоһуйа сынньанан, астынан тарҕастылар. Кэлбит дьоммутугар Махтал Баһыыба тыллары тиэрдэбит, доруобай, этэӈӈэ буолууну, сыспай сиэллээххит сыһыы аайы сиэллин, хороҕор муостааххыт хонуу аайы тоҕуорустун!🙌🏻✊🏻